Blir du motivert av å arbeide med førebyggjande tiltak, bruke kompetansen din i tverrfagleg samarbeid og finne fleksible løysingar på ulike utfordringar?
Einingsleiar PPT
Bjørnafjorden kommune søkjer einingsleiar for PPT (Pedagogisk-psykologisk teneste).
Blir du motivert av å arbeide med førebyggjande tiltak, bruke kompetansen din i tverrfagleg samarbeid og finne fleksible løysingar på ulike utfordringar? Då er kanskje du den rette til å leie PPT i Bjørnafjorden kommune.
Bjørnafjorden kommune har samorganisert tenestetilbodet til barn, unge og familiar i Familiens hus. I Familiens hus inngår Førebyggande helseteneste, Eininga Barn, unge og familiar, PPT og Barneverntenesta. Einingsleiar for PPT inngår i Familiens hus si leiargruppe. Tidleg innsats og tverrfagleg samarbeid med eit heilskapleg blikk for barn og familiar sine behov er ei viktig satsing i vår kommune.
PPT Bjørnafjorden har 17,6 årsverk. Tenesta er organisert i to geografiske team i tillegg til eigen lågterskel logopedteneste. Vi held til i fine lokale sentralt i Os sentrum. Arbeidskvardagen i PPT er prega av høgt arbeidstempo, fleksibilitet og varierte arbeidsoppgåver. Bjørnafjorden PPT består av aktive og engasjerte medarbeidarar med høg fagkompetanse. Målgruppa til tenesta er barn og ungdom frå 0 år og ut 10. trinn i grunnskulen, og med vurdering av individuell tilrettelegging tilknytt vaksenopplæringa.
PPT sitt hovudansvar er å støtte skular og barnehagar i det førebyggjande arbeidet med å sikre eit inkluderande opplæringstilbod, bidra med kompetanseheving og å utarbeide sakkunnige vurderingar i tråd med lovkrav.
Som einingsleiar har du leiaransvaret for PPT. Du må ha gode kunnskapar om det ansvarsområde som ligg til tenesta, samt forståing for andre tenesteområde i Oppvekst og i kommunal sektor. Vi ønskjer oss ein dyktig, engasjert og motiverande leiar som er opptatt av å skape tillit, og som er med på å forme ein kultur med vekt på kvalitet i tenesta. Du må ha god innsikt i lov,- og avtaleverk, og ha interesse for samskaping og nettverksarbeid.
Arbeidsoppgåver
- Heilskapleg ansvar for PPT sitt tenestetilbod
- Ansvar for resultat, økonomi og personal
- Rapportering, kvalitetsarbeid, internkontroll, HMS
- Deltaking i tverrfagleg samarbeid internt og eksternt
- Vidareutvikling av tenesta i samsvar med overordna føringar, lovverk og kommunen sine verdiar
Kvalifikasjonar
- Mastergrad i spesialpedagogikk, pedagogikk, psykolog eller tilsvarande
- Leiarerfaring
- Erfaring frå arbeid i PPT
- Økonomisk innsikt og forståing
- IT kompetanse knytt til ulike sakshandsamingssystem
Det er nødvendig med førarkort klasse B og ein må pårekna noko bruk av eigen bil i tenesta for samarbeid med skular og barnehagar i heile kommunen.
Utanlandsk utdanning må vere godkjent av Direktoratet for høyere utdanning og kompetanse (HK-dir).
Personlege eigenskapar
- Evne og vilje til nytenking og fleksibilitet
- Er utviklingsorientert, kreativ og engasjert
- Gode samarbeidseigenskapar
- Stor arbeidskapasitet
- Evne til å motivere og utvikle tilsette
- Bevisst på og reflektert over eigen leiarrolle
- God munnleg og skriftleg formuleringsevne
Vi tilbyr:
- Ein arena for å utvikle gode tenester for barn og familiar
- Eit godt arbeidsmiljø med fagleg dyktige tilsette
- Fagleg og personleg utvikling
- Arbeid i ein kommune der det pågår spennande utviklingsarbeid innan oppvekstfeltet
- Varierte arbeidsoppgåver
- Gode forsikrings- og pensjonsordningar
- Løn etter gjeldande avtaleverk
Ved eventuell tilsetting er det krav om politiattest før oppstart.
Bjørnafjorden kommune er ein arbeidsplass som verdset likestilling og mangfald, der alle tilsette forpliktar seg til prinsippet om likeverd og bidreg til å skapa eit inkluderande arbeidsmiljø. Vi ønskjer eit mangfald av søkjarar og oppmodar alle kvalifiserte kandidatar til å søkje, uavhengig av kjønn, alder, funksjonsevne, seksuell orientering, etnisk bakgrunn eller livssyn.
Etter utløpet av søknadsfristen vil det bli utarbeidd ei offentleg søkjarliste. Denne vil innehalda namn, alder, stilling eller yrkestittel og dessutan bustad- eller arbeidskommune for kvar søkjar. Det kan gjerast unntak frå innsyn dersom ein søkjar ber om det, men opplysningar kan likevel bli offentleggjort i samsvar med gjeldande regelverk. Dersom ei oppmoding om unntak ikkje blir teken til følgje, vil søkjaren bli varsla.
Vi vil aldri be søkjarar om å oppgi BANK-ID-informasjon i søknadsprosessen.
Del på:
Referansenummer:
26/11964
Fylke:
- Vestland
Jobbtype:
Fast
Heiltid/Deltid:
Heiltid
Arbeidstid:
Dag
Sektor:
Oppvekst
Stillingsnivå:
Leiar
Stillingstype:
Fast
Heiltid
Søknadsfrist:
29.11.2026
Tiltreding:
Snarast
Arbeidsstad:
Os sentrum
Kontaktpersonar:
Heimeside:
http://bjornafjorden.kommune.noAdresse:
Torggata 7 5200 Os