Fagarbeidar/assistent ved Os barnehage

 

Vi søkjer deg som ønskjer å vere med på det spanande arbeidet med å utvikle Os barnehage, og som vil halde fram med å utvikle barnehagen som ein lærande, nyskapande og inkluderande organisasjon.
Barnehagen treng fagarbeidar som vil vere med å bygge opp ein arbeidsplass prega av trivsel, utvikling, og med høg kvalitet i tilbodet til barn og familier. 

 

I Bjørnafjorden kommune kan vi tilby eit inspirerande og mangfaldig fagmiljø der vi jobbar målretta for å skape gode oppvekstvilkår for barna våre. Barnehageutvikling står sentralt med særleg vekt på livsmeistring og eit godt læringsmiljø. Barnehagen har satsing på ASK i kvardagen. 

 

Os Barnehage er ein 8-avdelings barnehage som ligg sentralt til i Os med mange ulike fasilitetar i nærleiken, som Idrettsbane,  fleire leikeplassar, bibliotek og flotte turområde. 

Os barnehage er ein barnehage med eit rikt mangfald frå ulike nasjonar og vi er ein erfaren og fin gjeng som trivast i lag.

 

• Medansvar for å leggje til rette for barna sin leik, læring og utvikling.
• Delta aktivt i det daglege arbeidet med barna i barnehagen sitt inne- og utemiljø, og vere ein god rollemodell.
• Bidra aktivt og ha medansvar i planlegging, gjennomføring, vurdering og dokumentasjon av det pedagogiske og praktiske arbeidet på avdelinga.
• Bidra til å jobbe fram forbetringar og gode løysingar.
• Jobbe førebyggjande og legge vekt på tidleg innsats.
• Bidra til eit positivt og inkluderande arbeidsmiljø.
• Vera brukar – og serviceorientert med ein konstruktiv kommunikasjonsform.

 

Vi gjer merksam på at du må leggje fram politiattest.

 

Vi ser etter deg som:
• Er raus, omsorgsfull og har eit varmt hjarte for barn.
• Er leiken, tar ansvar og initiativ, og er fleksibel.
• Har gode evner til kommunikasjon og refleksjon.
• Er ein lagspelar som bidrar til eit godt arbeidsmiljø.
• Er fagleg engasjert og ønskjer å utvikle deg vidare.

• Du må ha evne og vilje til å reflektere over egen praksis, og utvikle deg i samspel med andre.

Vi legg vekt på personlege eigenskapar.

 

Vi tilbyr:
• Faglege og personlege utfordringar i eit godt og inspirerande arbeidsmiljø.
• Løn etter gjeldande avtalar.

• ‎Betalt pause.

• Gunstig pensjonsordning, yrkesskade- og gruppelivsforsikring.

• Vi arbeidar for å få etablert heiltidskultur i kommunen.

 

Bjørnafjorden kommune er ein arbeidsplass som verdset likestilling og mangfald, der alle tilsette forpliktar seg til prinsippet om likeverd og bidreg til å skapa eit inkluderande arbeidsmiljø. Vi ønskjer eit mangfald av søkjarar og oppmodar alle kvalifiserte kandidatar til å søkje, uavhengig av kjønn, alder, funksjonsevne, seksuell orientering, etnisk bakgrunn eller livssyn.

 

Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkommande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom anmodningen ikkje vert teke til følgje vil søkaren varslast om dette.

Vi vil aldri be søkar om å oppgi BANK-ID informasjon i søknadsprosessen.