Sommarjobb 2026 innan kart, data og VA

VA-forvaltning i Bjørnafjorden kommune søker 2 til 4 engasjerte studentar til sommarjobb 2026. Vi jobbar med å kartlegge og kvalitetsheve leidningsnettet vårt, ein verdifull ressurs for alle aktørar i kommunen. 

Bjørnafjorden kommune har omlag 26 000 innbyggarar og rundt 1800 kommunalt tilsette. Vi er ein kommune i vekst, og med ny E39 er reisetida til Bergen halvert. I Bjørnafjorden kommune ønskjer vi å vere framoverlente, effektive og arbeide godt for å levere heilskaplege og innovative tenester med eit stort fokus på innbyggarane sine behov. Som arbeidstakar bidrar du med oppgåver som er viktige for innbyggarane og lokalsamfunnet. 

Arbeidsoppgåver

• Innmåling og innhenting av dokumentasjon på leidningsnett
• Registrering og oppdatering av data i Gemini VA, QGIS og ArcGIS Pro
• Moglegheit for oppgåver knytt til: Modellering, testing og enkel kalibrering av avløpsrøyrmodellar i EPA SWMM, databehandling og automatisering (f.eks. med QGIS, Python, avansert Excel m.m.).
• Oppgåvene kan tilpassast etter din faglege bakgrunn og interesse.

Vi ser etter deg som:

• er student innan Landmåling, Dataingeniør eller Bygg/VA-teknikk 
• er strukturert, sjølvstendig og har god IKT-forståing 
• har interesse for VA-faget og kommunal infrastruktur 
• har, eller tek, Arbeidsvarslingskurs 1 (vi dekker det) 
• har førarkort klasse B