Fast 7% stilling som bibliotekmedarbeidar

Bjørnafjorden bibliotek har ledig fast stilling som bibliotekmedarbeidar frå 1.1.2026.

Bjørnafjorden bibliotek har eit hovudbibliotek i kommunesenteret Osøyro og ein filial i Eikelandsosen. Dei siste åra har det vore ei stort fokus på barn og ungdom. Vi søker etter ein person som ønsker å møta og hjelpa publikum i biblioteket og være ein del av en fantastisk personalgruppe.

Arbeidsstad

Hovudbiblioteket på Os. Det er utgangspunktet to laurdagsvakter i månaden ved hovudbiblioteket som ligg til stillinga.

Arbeidet omfattar:

• Skranke- og publikumsteneste
• Daglege driftsoppgåver

Søkarar må ha følgande kvalifikasjonar:

• Vidaregåande utdanning og/eller relevant høgare utdanning
• God kunnskap om og interesse for litteratur og digitale media
• God formidlingskompetanse
• Gjerne erfaring frå bibliotek

Det vert lagt vekt på personlege eigenskapar og at du er:

• Sjølvstendig
• Strukturert
• Løysingsorientert og endringsvillig
• Effektiv
• Fleksibel
• Gode kommunikasjons- og samarbeidsevner
• Motivert og engasjert medarbeidar

Vi gjer merksam på at du må legga fram politiattest.

Vi tilbyr:

• Faglege og personlege utfordringar i eit godt og inspirerande arbeidsmiljø.
• Meiningsfulle arbeidsoppgåver
• Gode pensjons- og forsikringsordningar.
• Stillinga vert løna som assistent eller fagarbeidar, etter kvalifikasjonar.

Bjørnafjorden kommune er ein arbeidsplass som verdset likestilling og mangfald, der alle tilsette forpliktar seg til prinsippet om likeverd og bidreg til å skapa eit inkluderande arbeidsmiljø. Vi ønskjer eit mangfald av søkjarar og oppmodar alle kvalifiserte kandidatar til å søkje, uavhengig av kjønn, alder, funksjonsevne, seksuell orientering, etnisk bakgrunn eller livssyn.

Etter utløpt søknadsfrist, vil det bli generert ei offentleg søkarliste med navn, alder, stilling eller yrkestittel og bustads- eller arbeidskommune for kvar søkar. Det kan gjerast unntak frå innsyn for opplysningar om ein søkar dersom vedkomande sjølv ber om det. Opplysningar om ein søkar kan bli offentlege sjølv om ein har kryssa av for å bli unnateke. Dersom anmodningen ikkje vert teke til følge vil søkaren varslast om dette.