20% engasjement som aktivitør

Bjørnafjorden kommune har over 26 000 innbyggjarar og rundt 1 800 dedikerte kommunalt tilsette. Vi er ein nær og inkluderande kommune, noko som blir spegla i vår misjon: "Det gode livet for alle." Som medarbeidar hos oss bidreg du til viktige oppgåver som gjer ein forskjell for både innbyggjarane og lokalsamfunnet. Du betyr noko – og det du gjer har ein verdi!

Kultureininga, har ledig engasjement i eit tidsavgrensa tilbod i Bua som er ledig no til 31.8.2026. Det kan bli forlenga. 

BUA-utstyrssentral er ei teneste under Os frivilligsentral og Kultureininga. Sentralen har utlånspunkt både i Os og i Eikelandsosen med gratis utlån av idretts- og friluftsutstyr til alle sesongar. Barn og unge er viktigaste målgruppa. 

Vi lyser etter ein kreativ og sosial person som vil vera med å vidareutvikle BUA-ordninga i kommunen og det nye tilbodet «fikse-bua».

Arbeidsstad: Os frivilligsentral med kontor på Osøyro

Arbeidet omfattar: organisering av eit nytt tilbod med unge arbeidstakarar i BUA og praktisk aktivisering i «fikse-bua»

Driftsansvar: planlegging og gjennomføring av aktivitet.

Søkarar må ha følgande kvalifikasjonar:
- Relevant arbeidserfaring
- Ha erfaring frå arbeid med barn og unge
- Gode praktiske evner og kompetanse på bruk og vedlikehald av aktivitets- og friluftsutstyr
- Du må ha førarkort

Det vert lagt vekt på personlege eigenskapar og at du er:
-Sjølvstendig
-Strukturert
-Løysingsorientert
-Effektiv
-Fleksibel
-Gode kommunikasjons- og samarbeidsevner
-Motivert og engasjert medarbeidar

Vi tilbyr:
- Faglege og personlege utfordringar i eit godt og inspirerande arbeidsmiljø.
- Meiningsfulle arbeidsoppgåver
- Gode pensjons- og forsikringsordningar.
- Stillinga vert løna etter gjeldande avtaler

Bjørnafjorden kommune er ein arbeidsplass som verdset likestilling og mangfald, der alle tilsette forpliktar seg til prinsippet om likeverd og bidreg til å skapa eit inkluderande arbeidsmiljø. Vi ønskjer eit mangfald av søkjarar og oppmodar alle kvalifiserte kandidatar til å søkje, uavhengig av kjønn, alder, funksjonsevne, seksuell orientering, etnisk bakgrunn eller livssyn.

Etter utløp av søknadsfristen vil det bli utarbeidd ei offentleg søkjarliste. Denne vil innehalda namn, alder, stilling eller yrkestittel og dessutan bustad- eller arbeidskommune for kvar søkjar. Det kan gjerast unntak frå innsyn dersom ein søkjar ber om det, men opplysningar kan likevel bli offentleggjort i samsvar med gjeldande regelverk. Dersom ei oppmoding om unntak ikkje blir teken til følgje, vil søkjaren bli varsla.

Vi vil aldri be søkjarar om å oppgi BANK-ID-informasjon i søknadsprosessen.