100% fast stilling som tilsynsførar

Vi har ei ledig fast stilling som tilsynsførar på byggesak i Bjørnafjorden kommune.

Vi ønsker ein fagleg sterk og motivert tilsynsførar. Som tilsynsførar vil du få ansvar for å føre tilsyn med føretak i pågåande byggesaker. Dette går mellom anna på fysiske tilsyn på byggeplassar, tilsyn i samband med ferdigstilling av bygningar og dokumenttilsyn av grunnlagsdokumenta i byggesakene. Stillinga krev god struktur og gjennomføringsevne. 

Bjørnafjorden er ein kommune i vekst, og med den nye E-39 og Lyseparken vil det bli mange nyetableringar innan næring og bustadar i åra framover. Byggesaksavdelinga er sentral for tilrettelegging for desse etableringane, og samhandling i og utanfor kommunen blir vektlagt. 

Arbeidsstad
Bjørnafjorden rådhus 

Arbeidsoppgåver

• Gjennomføre tilsyn på byggeplassar og i samband lovbrotssaker
• Utarbeide tilsynsrapportar etter tilsyn
• Dokumenttilsyn i byggesaker
• Skriftleg saksbehandling i samband med alle tilsynssaker
• Yte bistand til avdelinga sine byggesaksbehandlarar på tekniske spørsmål 

Byggesak er organisert som ei felles eining med byggesak, tilsyn, og lovbrot. Stillinga skal ha fokus på tilsyn med tiltak i eksisterande byggesaker, og tilsyn i samband med ulovlege tiltak som blir meldt inn. 

Kvalifikasjonar

• Relevant høgare utdanning, eksempelvis byggingeniør, eller utdanning som byggmeister eller tilsvarande.
• Grunnleggande og framtidsretta digital kompetanse
• Erfaring med teknisk forskrift og praktisk erfaring frå byggeplassar er ønskjeleg
• Krav om førarkort 

Langvarig erfaring med relevante område kan kompensere for manglande formell kompetanse.

Utanlandsk utdanning må vere NOKUT godkjent

Vi søker deg som har/er: 

• Gode samarbeids- og kommunikasjonsevner
• God relasjonskompetanse
• Utviklings- og løysingsorientert
• Handlekraftig og resultatorientert
• Effektiv
• Strukturert og målretta
• God skriftleg framstillingsevne

Vi legg vekt på personlege eigenskapar. Vi håper denne stillinga er attraktiv for deg, og vi kan tilby interessante oppgåver med rom for fagleg og personleg vekst. Ta gjerne kontakt dersom du treng utfyllande informasjon.

Målforma i Bjørnafjorden kommune er nynorsk.

Vi tilbyr:

• Faglege og personlege utfordringar i eit godt og inspirerande arbeidsmiljø.
• Gunstig pensjonsordning, yrkesskade- og gruppelivsforsikring.
• Løn etter gjeldande avtalar.
• Vi arbeidar for å få etablert heiltidskultur i kommunen.

Etter at søknadsfristen går ut vil vi lage ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom førespurnaden ikkje blir tatt til følgje vil vi varsla søkjaren om dette.