Fagarbeidar 60 % fast stilling

Tilrettelagte tenester, for tida v/ avdeling Kuhnletunet Dagsenter, har ledig fast 60% stilling frå 28.07.2025

Arbeidsstad
Kuhnletunet Dagsenter er eit aktivitetstilbod for om lag 20 tenestemottakarar med varierande bistandsbehov.

Dagsenteret legg vekt på å gje eit meiningsfylt og variert aktivitetstilbod, men vekt på den einskilde tenestemottakar sine interesser, ønskje og føresetnader. Tilbodet er lokalisert på Kuhnle, få minutt frå Os sentrum.

Arbeidsoppgåver
Du skal gi eit heilskapleg og fagleg aktivitetstilbod til tenestemottakarane. Du vil delta i ulike treningsgrupper, stell, formingsaktiviteter, musikk, matlaging, transport og utearbeid. Du vil og ta del i planlegginga og koordineringa av aktivitetane på dagsenteret. Dagsenteret har eit tett samarbeid med bufellesskapa, og bidreg mellom anna med morgonstell.

Stillinga er på dagtid med arbeid 3 dagar i veka.

Kvalifikasjonar

• Fagarbeidar med erfaring frå brukargruppa og kunnskap kring arbeid til utfordrande åtferd
• Det er også ønskelig at du er musikalsk og kan spille instrument.
• Du må har førerkort klasse B.

Vi legg vekt på å sette saman personalgruppa med størst mulig kompetansebreidde og personlege kvalifikasjonar.

Du er bevisst dine haldningar og prioriterer høgt verdiar som respekt, lojalitet og etikk.
Det vert lagt stor vekt dine personlege eigenskapar og kjennskap til brukargruppa.

Utanlandsk utdanning må vere godkjend av Direktoratet for høgare utdanning og kompetanse (HK-dir): https://hkdir.no/utdanning-fra-utlandet

Vi gjer merksam på at du må leggja fram politiattest.

Vi tilbyr:
- Faglege og personlege utfordringar i eit godt og inspirerande arbeidsmiljø.
- Gunstig pensjonsordning, yrkesskade- og gruppelivsforsikring.
- Løn etter gjeldande avtalar.
- Vi arbeidar for å få etablert heiltidskultur i kommunen.

Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom anmodningen ikkje vert tatt til følgje vil søkjaren bli varsla om det.

Vi vil aldri be søkjar om å oppgi BANK-ID informasjon i søknadsprosessen.