100 % fast stilling som miljøterapeut

Bjørnafjorden kommune har over 26 000 innbyggjarar og rundt 1 800 tilsette. Vi er ein nær og inkluderande kommune, noko som blir spegla i vår misjon: "Det gode livet for alle." Som medarbeidar hos oss bidreg du til viktige oppgåver som gjer ein forskjell for både innbyggjarane og lokalsamfunnet. Du betyr noko – og det du gjer har ein verdi!

Eining for psykisk helse og rustenester søkjer etter ein engasjert og fagleg trygg medarbeidar i 100% fast stilling som miljøterapeut. Stillinga er i turnus med arbeid hver 4. helg langvakt (12,5 timer).

Arbeidsstad

Stillinga er knytt til avdeling Miljø & aktivitet, som vart etablert hausten 2024. Avdelinga er ei samordning av ambulerande tenester til menneske med utfordringar knytt til psykisk helse, rus eller andre livsvanskar – med mål om bidra til betre meistring av kvardagen.

Vi held til ved Vartun Oppfølgingsteneste i Industrivegen 8, men har og ansvar for oppfølging i Prestebustaden på Os, samt på Moberg og i Eikelandsosen. Primærmøtestad er i Os.

Avdelinga tilbyr ambulerande helsehjelp, oppfølging i eigen bustad og ulike tenester til menneske med samansette behov. Vi har fokus på å fremje livskvalitet, meistring og aktivitet i kvardagen.

 «Livskvalitet» er vårt lågterskeltilbod kor brukar kan delta i arbeidstrening, aktivitet og gruppetilbod på dagtid. Mellom anna har vi eigen sykkelverkstad og kaffibrenneri, samt gatelag fotball og terapiriding.

Arbeidsoppgåver

• Sikre at brukarane får tenester i tråd med lovverk og individuelle avtalar
• Miljøterapeutisk arbeid og praktiske oppgåver i brukarens kvardag
• Oppfølging og deltaking i daglege gjeremål og i ulike aktivitetar
• Primærkontaktarbeid, planarbeid og delta i ansvarsgrupper
• Fremje aktivitet og arbeidstrening

Kvalifikasjonar

• Relevant 3-årig helse- og sosialfagleg utdanning på høgskulenivå.
• Utdanning frå utlandet må vere NOKUT-godkjend
• Ønskjeleg med vidareutdanning innan psykisk helse- og/eller rusarbeid
• Førarkort klasse B

Vi ser etter deg som:

• Har evne til å koordinere og sjå heilskap i tenestene
• Tåler å stå i krysspress og handtere ulike behov
• Er fleksibel, løysingsorientert og ser utviklingsmoglegheiter i møte med brukarar
• Kommuniserer godt og byggar tillit og relasjonar
• Har gode verdiar, haldningar i møte med menneske

Personlege eigenskapar vert vektlagt.

Vi tilbyr

• Eit inkluderande og utviklingsorientert fagmiljø
• God pensjonsordning, yrkesskade- og gruppelivsforsikring
• Løn etter gjeldande avtaleverk
• Moglegheit for fagleg og personleg utvikling
• Vi arbeidar for å få etablert heiltidskultur i kommunen

Etter søknadsfristen vil det bli utarbeidd ei offentleg søkarliste som inneheld namn, alder, stilling og bustad- eller arbeidskommune. Det mogleg å be om unntak frå innsyn dersom en søker ber om det, men dette kan bli avslått i tråd med gjeldande regelverk. I slike tilfeller vil søkeren bli varsla.

Attester og vitnemål skal takast med til eventuelt intervju. Vi vil aldri be søkere om å oppgi BANK-ID-informasjon i søknadsprosessen.