Fagarbeidar / assistent Halhjem barneskule

Vi har ledig 89 % fast stilling som fagarbeidar frå august 2025

Vi søker deg som vil vere med å bidra til trygge og inkluderande læringsmiljø og gode resultat i skulane i Bjørnafjorden kommune, der alle skal med. Vi kan tilby eit inspirerande og mangfaldig fagmiljø der vi arbeidar målretta for å skape trygge oppvekstvilkår, og der skuleutvikling står sentralt.

Satsingsområda i Bjørnafjorden kommune er trygge og gode skulemiljø som skal leggje til rette for fagleg og sosial utvikling.  Vi har og som mål at alle elevar blir funksjonelle lesarar.

Arbeidsstad
Halhjem barneskule ligg i sentralt i bustadområde på Halhjem og rett ved 600-busslinja til Bergen. Skulen har slik det ser ut no 100 elevar og i underkant av 20 medarbeidarar. Skulen ligg like ved Søre Neset idrettsanlegg med fotballbaner, hall, volleyballbane, skatepark etc. Vi ligg flott plassert med naturen tett på og gode fasilitetar for ein aktiv skuledag og SFO året rundt. Vårt arbeid er forankra i visjonen vår: «Med trivsel, tryggleik og læring opnar vi dører mot verda og framtida». Satsingsområda våre tek utgangspunkt i LK20 og vi jobbar kontinuerleg med grunnleggande ferdigheiter i lesing, skriving og rekning. Godt skule- og læringsmiljø er alltid i fokus, samt FAL, fysisk aktiv læring. SFO har utgangspunkt og forankring i den nye rammeplan for SFO.

Arbeidsoppgåver
Oppfølging av enkeltelevar i gruppe, klasse og ev. SFO.

Kvalifikasjonar
Fagbrev i barne- og ungdomsarbeidarfaget, men søkarar med anna relevant utdanning og erfaring vil bli vurdert. 
Utanlandsk utdanning må vere godkjend av Direktoratet for høyere utdanning og kompetanse (HK-dir): https://hkdir.no/utdanning-fra-utlandet
Søkarar må ha gode munnlege og skriftlege norskkunnskapar. Nynorsk er administrasjonsmålform i Bjørnafjorden kommune.

Vi gjer merksam på at du må legge fram politiattest.

Eigenskapar
Vi søker etter medarbeidarar som:
- er løysingsorientert, omsorgsfull, inkluderande og raus.
- er fleksibel
- kan jobbe sjølvstendig
- har gode evner til samarbeid og å skape gode relasjonar til barn og vaksne
- er ein tydeleg og engasjert rollemodell
- evnar å imøtekomme/støtte barn med komplekse utfordringar
- jobbe tett på enkeltbarn
- kan vere med på symjeundervisning

Det vil bli lagt vekt på personlege eigenskapar og skulen sitt behov. Aktuelle søkarar blir kalla inn på intervju fortløpande.

Vi tilbyr
- Faglege og personlege utfordringar i eit godt og inspirerande arbeidsmiljø
- Gunstig pensjonsordning, yrkesskade- og gruppelivsforsikring
- Løn etter gjeldande avtalar
- Vi arbeidar for å få etablert heiltidskultur i kommunen

Etter at søknadsfristen er gått ut, vil det bli generert ei offentleg søkarliste med namn, alder, stilling eller yrkestittel og bustads- eller arbeidskommune for kvar søkar. Det kan gjerast unntak frå innsyn for opplysningar om ein søkar dersom vedkomande sjølv ber om det. Opplysningar om ein søkar kan bli offentlege sjølv om ein har kryssa av for å bli unnateke. Dersom oppmodinga ikkje vert teke til følge vil søkaren varslast om dette.

Vi vil aldri be søkar om å oppgi BANK-ID informasjon i søknadsprosessen.