Lærling i service og administrasjonsfaget

Vil du bli lærling i ei kommune i vekst? Som lærling i service og administrasjonsfaget vil du få ta del i dagleg drift av ein stor organisasjon, og vere med på å utvikle Bjørnafjorden kommune inn i framtida.  

Vår nye lærling i service og administrasjonsfaget vil få eit breidt innblikk i samhandling, arbeidsrutiner og verktøy som blir brukt i administrasjonen av ein moderne kommune.

Du vil vere tilknytta HR-avdelinga, og du vil  og få erfaring frå andre avdelingar i kommunen. Du vil få god kjennskap til offentleg forvaltning, lov- og avtaleverk. 

Bjørnafjorden kommune kan tilby ein spennande arbeidsplass, eit inkluderande arbeidsmiljø og kjekke kollegar du får samhandle med i kvardagen. 

Arbeidsoppgåver du vil få erfaring i under læretida

• Postmottak, arkivering, skanning, journalføring og enklare saksbehandling
• Personaladministrasjon og bistå i rekrutteringsprosessar
• Yte brukarstøtte og kundeservice
• Betjene sentralbord og kundetorg
• Rekneskap- og økonomioppgåver  

Kvalifikasjonar du må ha for å søke læreplass

• Fullført og bestått VG2 – Service, sikkerhet og administrasjon
• Anna relevant skulegang og arbeidserfaring kan bli vurdert
• Dersom du søker som lærekandidat, må dette komme tydeleg fram i søknaden
• Gode norskkunnskapar, skriftleg og muntleg

Vi ser etter deg som

• Er motivert for å lære og har interesse for service- og administrasjonsfaget
• Har godt humør, likar å hjelpe og finne gode løysingar saman med andre
• Har interesse for digitale løysingar
• Kan jobbe sjølvstendig og følge planar og tidsfrister
• Er punktleg og påliteleg

Vi tilbyr 

• Spennande og relevante arbeidsoppgåver innanfor personal, økonomi, administrasjon og arkiv
• Eit godt og inspirerande arbeidsmiljø med gode kolleger
• Systematisk oppfølging i læretida
• Løn etter gjeldande avtale
• Eigne samlingar for lærlinger

Som lærling i Bjørnafjorden kommune må du kunna identifisera deg med verdiane våre; Vi lyttar med respekt, vi finn smarte løysingar, vi gjer det vi seier og vi er inkluderande. Vi ønsker å ha mangfald på arbeidsplassane som gjenspeglar befolkninga og oppfordrar alle kvalifiserte kandidatar til å søke.
Vi oppmodar til å ikkje vente med å sende inn din søknad då vi vurderar kandidatar fortløpande.

Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom anmodningen ikkje vert tatt til følgje vil søkjaren bli varsla om det.

Vi vil aldri be søkjar om å oppgi BANK-ID informasjon i søknadsprosessen.