Vernepleiar / Sjukepleiar - 100 % fast stillling

Tilrettelagte tenester, for tida ved avdeling Hellemyra Bufellesskap, har ledig 100% fast stilling frå snarast

Stillinga er i turnus, med moglegheiter for langvakter i vekedagane, og arbeid med langvakt kvar 4.helg.

Arbeidsstad:
Tilrettelagte tenester i Bjørnafjorden kommune gjev tenester til personar med ulike funksjonsnedsettingar. Tenestene for vaksne består av 9 bufellesskap og 2 dagsenter.
Hellemyra Bufellesskap, som ligg i Eikelandsosen, er eit bufellesskap med 5 tenestemottakarar med ulike bistandsbehov, i hovudsak personar over 18 år. I tillegg har bufellsskapet ansvaret for oppfølging av heimebuande tenestemottakarar

Arbeidsoppgåver
Du skal yte eit heilskapleg og fagleg omsorgstilbod til tenestemottakarane, der det er lagt vekt på god livskvalitet, brukarmedverknad og førebygging. "Kva er viktig for deg", skal spegla seg i ord og handlingar og stå sentralt i vårt miljøarbeid og samhandling med tenestemottakar. Vi skal sikre at kvar enkelt får den bistand vedkommande treng for å gjennomføra daglege gjeremål og ta del i sosiale aktivitetar. Det vil kunna liggja primærkontaktarbeid til stillinga og du vil få ein viktig rolle inn i medikamenthandteringa på avdelinga. Målretta miljøarbeid og oppfølging av ulike tiltak er sentrale arbeidsoppgåver.

Kvalifikasjonar
Vi søkjer deg som har autorisasjon vernepleiar eller sjukepleiar. Det er ønskeleg at du har erfaring med arbeid med personar med nedsatt funksjonsevner, men dette er ikkje eit krav.
Du er bevisst dine haldningar og prioriterer høgt verdiar som respekt, lojalitet og etikk og du :
- skaper gode relasjonar, tillit og tryggleik- ønskjer å vera ein del av eit spanande arbeidsmiljø
- ønskjer utfordringar- er oppteken av å ivareta borna som om dei er dine eigne
- er sjølvstendig og har opparbeida deg gode samarbeidsevner
- lyttar med respekt.

Vi gjer merksam på at du må leggja fram politiattest.

Vi tilbyr

• Faglege og personlege utfordringar i eit godt og inspirerande arbeidsmiljø
• God pensjonsordning, yrkesskade- og gruppelivsforsikring
• Løn etter gjeldande avtalar
• Vi arbeidar for å få etablert heiltidskultur i kommunen

Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom anmodningen ikkje vert tatt til følgje vil søkjaren bli varsla om det.

Vi vil aldri be søkjar om å oppgi BANK-ID informasjon i søknadsprosessen.